關於一月一號遊行捉鬼，無法棄用慣用段落形式，盡量快講幾點，主要論點係死亡遲早都找你，前線最終都會推到每個人身上。
首先，捉鬼唔關份人理智定感性事，主要係在於香港人成長速度有快有慢。有啲人係未準備去面對死亡，批評佢地怕死，甚至攻擊佢地搞到勇武去死，真係無濟於事。仔細老婆嫩要照顧唔係藉口，而係我地生存嘅目的，我相信只要赤色恐怖迫到埋身，所有為人父母、為人子女者，都會自動變前線。
尋日叱咤，有歌手表曬態，講明自己有落銅鑼灣，講感想講到難忍眼淚，話自己係香港人嘅樂隊，邊個可以話負責推廣香港流行文化就唔係前線所為？高調到咁，打壓一定唔會少，對家睇完節目就上門拉佢都重得。今日係遊行人士大搜捕，聽日可以係商界代表大搜捕，之後可以係學者專家大搜捕，仍然未同鎮壓機器短兵相接嘅人，可以寫作，可以研究，邊個可以話負責分析TG成分同查明病毒源頭就唔係前線所為？亂咁捉鬼，都係因為著緊，著緊即係有得教化。教化自己人，冷嘲熱諷唔會有用，對方只會更加聽唔入耳，呢點應該係唔識心理學唔讀社工系都知嘅常識黎，大家發嬲之前，請諗一諗點樣至會最有效收窄大家認知分歧。
其次，而家嘅街頭前線，其實喺雨革時期都唔係企到而家呢個崗位。一知道遊行解散，分紅海畀街頭前線過，睇落係好癡線，但睇返啲訪問，其實都有人坦白承認，自己五年前都只係企中後或者大後方，根本未想像到黑暗會蔓延得咁快。呢半年，大家應該要知道嘅係，其實香港人真係好努力咁自省求進，傷一個救一個，死一個補一個，為嘅就係保護自己嘅民族，保護自己嘅屋企人，保護遊行見到嘅每一個小朋友。對局勢嘅認知，對歷史嘅掌握，個個人都唔一樣，但有人選擇冒上可能要預支性命嘅風險，就係因為佢地覺得呢個分工值得。
人有責任感，就會願意犧牲，無論今日身處邊個崗位，終有一日，其實都會步向人人都係前線嘅局面。呢個係大家要盡快認知到嘅事實，認知調節之後，應該就會知道團結至係致勝之道。大家都知道百萬人就地坐低，可以揭竿而起，但陳勝吳廣所為，只係出於唔想受到懲罰嘅恐懼，而唔係有後顧之憂都繼續堅持原則——華夏食人族歷史對香港人係零參考價值，煩請大家唔好再相信模仿佢地就會打贏場仗，佢地同我地真係兩個物種黎，用返佢地嘅玩法只會同歸於盡，一齊接受大自然嘅無情淘汰。
簡而言之，即使今日未行到最前，未來遲早都會成為前線。落場對抗對方嘅自然係前線，但前線定義唔應該限於落場嘅人，因為警察係會拉任何人。只要喺自己崗位盡力而為，知道要為香港而死嗰一日，你可以做到從容不迫，勇敢面對，你就已經係前線。了解中國平民日常面對嘅恐懼，我一早做好心理準備，點樣應付自己出事，點樣面對身邊人出事，點樣接受、善後以至消化，每日都會幻想幾次。只要我肉身消亡之後，過往表達過嘅一切，會有更多同胞認真理解，更多朋友出多一分力推廣，我就覺得值得，亦相信會有好多人會永遠記得我呢個朋友曾經喺佢地生命出現過。
如果今日輪到你嘅崗位去死，你可唔可以？如果答案係可以，就請繼續好好生活落去，因為答得出可以，你就係守護緊我地呢個民族嘅前線。我同我身邊人成日都講，我地隨時可以死，只要時機成熟，但更重要嘅係，珍惜可以相見相處嘅每一日，永遠記得求生至會激發生命嘅最強能量，令更多人記得自己嘅曾經存在。政治動員力，其實靠嘅從來都係個體為理想付出幾大熱情，而最後嘅勝利，一定係歸於會為社會共同體而奉獻所有嘅香港人。
Search